По денешниот пораз на Барселона од екипата на Виљареал, тренерот Чави Ернандез потврди дека ќе ја напушти клупата на каталонскиот гигант со завршувањето на актуелната сезона.

Барселона минува низ лош период, а титулата во Ла Лига е се подалеку бидејќи веќе заостануваат десет бода зад Реал Мадрид. Чави на денешната прес-конферанција соопшти дека ќе биде тренер на Барселона до 30-ти јуни.

„Ќе си заминам од Барселона во јуни. Стигнавме до точка по која нема враќање, време е за промена во клубот. Разговарав со раководството денеска, ќе си заминам на 30-ти јуни“, изјави Чави.

На клупата на Барселона Чави пристигна во 2021 година откако претходно успешно го водеше тимот на Ал-Сад.

Xavi Hernández: “I want to announce that on June 30 I will no longer continue as the coach at Barça. I think the situation needs to change course, and as a culer, I cannot allow the current situation.” pic.twitter.com/VSEfG2zRNt

— FC Barcelona (@FCBarcelona) January 27, 2024