Нови законски измени беа тема на разговор меѓу претставниците на Стопанската комора на Северозападна Македонија и министерот за економија Крешник Бектеши.

Во законските измени за индустриските зони, Дирекцијата на ТИРЗ ќе има поголеми ингеренции во однос на изградба на инфраструктурни проекти, а општините во кои има шанси за инвестиции од страна на компании, ќе има можност државата од централниот буџет да дава пари за инфраструктурни проекти – пристапни патишта, канализација и слично, ако општината сама не може да поддржи таква инвестиција.

Ќе се менува и Законот за финансиска поддршка на инвестиции. Се чекаат предлози од стопанските комори , вклучувајќи го и хотелиерството, затоа што имавме добра туристичка година, а потребите се поголеми од она што ние го нудиме и на домашни и на странски гости, рече Бектеши.
Законски измени ќе има и за Комисијата за заштита на конкурентност, а ќе се прави и регулатива во насока на фер трговски практики.