Руски рубљи, Фото: Profimedia

Централната банка на Русија со повисоки камати ќе ја „спасува“ рубљата

Централната банка на Руската Федерација денеска закажа вонредна седница на која ќе се разговара за најновите проблеми поврзани со слабеењето на рубљата во однос на другите светски валути. Рускиот весник Комерсант наведува дека на седницата ќе се разговара како да се спречи евентуална валутна паника поврзана со слабеењето на рубљата. Една од мерките за која ќе се разговара е и зголемување на основната каматна стапка. Пред најновите финансиски случувања, Централната банка на Русија објави дека за основната каматна стапка нема да се разговара пред септември, но развојот на пазарот го забрза целиот процес, најавува Кликс.ба.

„Вонредниот состанок на Управниот одбор на Централната банка на Русија, на кој ќе се расправа за основната каматна стапка, е редок настан. На последниот јулски состанок, основната стапка беше зголемена за 100 базични поени, односно на 8,5 отсто годишно“, пишува рускиот весник.

По повод слабеењето на рубљата, самата Централна банка соопшти дека нема закана за финансиската стабилност на земјата.

„Во понеделник наутро, за време на тргувањето на Московската берза, курсот на доларот надмина 100 рубљи, додека противвредноста на кинескиот јуан беше 13,8 рубљи“, пишува ТАСС.

Иако економистите посочуваат дека менувањето на основната каматна стапка во таква ситуација не е многу вообичаена процедура, на Централната банка на Русија и преостануваат малку алтернативи. Се огласи и пратеникот на Државната дума Дмитриј Кузњецов кој побара од гувернерката на Централната банка Елвира Набиулина да ги објасни причините за падот на рубљата и последиците од таквиот настан.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот