Жителите на Центар можат да пријават во општината доколку на нивната улица забележат дупки или оштетувања кои влијаат на нормалното одвивање на сообраќајот, за проблемот побрзо да се реши.  Граѓаните тоа може да го направат преку пријавување на телефонскиот број 076381673 секој работен ден од 8 до 16 часот.

Верувам дека овој начин на комуникација ќе донесе поголеми и побрзи резултати за граѓаните. Ние досега реконструиравме 17 улици, во моментов се работи на две тоа се улиците Елисие Поповски и Блаже Тодоровски и следуваат уште неколку за реконструкција. Но доколку станува збор за одредена дупка ги повикувам граѓаните да се јават на телефонскиот број, да ни остават точна локација и нашите службеници ќе ја пополнат, вели градоначалникот Горан Герасимовски.

Од Општина Центар соопштуваат дека ќе продолжат да работат на редовно одржување на улиците со цел безбедно движење на граѓаните, велосипедите и автомобилите.