Во Германија граѓаните веќе подолго време се соочуваат со постојани поскапувања, а сега поскапе и еден од нивните најомилени специјалитети за брза храна – Донер ќебап, пишува Политика рс. Еден ресторан за брза храна во Франкфурт на Мајна прв ја подигна цената на „Донер“ на десет евра, со што достигна рекордна цена досега.

„За жал, принудени сме да ги зголемиме цените на нашите производи“, им порача на купувачите во порака на излогот сопственикот на „Тон Бул Грил и Кебап Хаус“, сопственикот Угор Џумашакбас. Тој посочува дека се поскапело – плинот, месоот, брашното, зеленчукот…

За време на пандемијата, цените веќе еднаш се зголемија, но тоа купувачите не го почувствуваа.

„За време на пандемијата, килограм месо веќе поскапе за 2,20 евра, а сега со новата криза дополнително се зголеми. Трошоците за енергија исто така значително се зголемија, а нашите печки мора да работат на 400 степени 13 часа дневно“, објасни тој. Првото големо поскапување на „Донер“ во Германија е забележано во април, кога претседателката на Здружението на производители на овој специјалитет, Гирсел Илбер, изјави дека „Донер“ треба да чини 7,30 евра. Инаку, во Берлин „Донер“ долго време чинеше 3,50 евра.