Блогерката Хана Ловентајл во написот објавен на американскиот дневен весник „BuzzFeed“ ја опишува Албанија како дестинација која мора да се посети.

-Ако го планирате вашето следно патување изберете ја Албанија и нема да згрешите.  Има толку многу неоткриени места за гледање. И додека големите туристички држави и градови како Грција, Токио или Париз се познати со причина, можеби барате нешто понепознато, но не помалку атрактивно- пишува Ловентајл.

Таа вели дека прелистувала r/travel и пронашла неверојатни дестинациии и многу модерните места за одмор во оваа држава.

– Албанија е земја која нуди прекрасни плажи, вкусна и релативно евтина храна и многу неоткриени места за истражување- вели блогерката.

Ловентајл вели дека Албанија е сместена во Јужна Европа, веднаш преку морето од Италија.

-Навистина е најубавото место каде што можете да одите на одмор.Плажите со бел песок во јужниот дел на крајбрежјето на земјата се вистински рај. Водата е топла и солена и неверојатно сина. Ако сте планинар, ќе мора да одите на север од земјата. Планинскиот пејзаж овде е сличен на Алпите, со неверојатни панорами и прекрасни села. Прошетката од Тет до Валбона е една од најпопуларните дневни прошетки, со мали куќи за гости каде што можете да престојувате на двата краја- пишува Ловентајл.