Бугарската академија на науките изготви барање за пристап до информации од јавен карактер кое ќе го испрати до македонските власти во Скопје и до македонската амбасада во Софија во кој прашуваат која е „црвената линија“ што ја помина Бугарија, информираше бугарскиот академик Спас Ташев во интервју за БНТ.

„Изготвивме документ кој ќе биде дистрибуиран денеска. Содржи барање за пристап до информации од јавен карактер, кое го доставуваме до претседателската институција на РСМ, Министерството за надворешни работи и амбасадата на РСМ во Софија. Го напишавме овој документ зошто наши истомисленици од РСМ не контактираа по скандалот. Тие ни дадоа информации дека РСМ била целсно свесна дека знамето нема да се постави за време на состанокот, бидејќи тоа беше посета на најниско ниво од страна на претседател на држава, вели академик Ташев.

Бугарските академици во својот документ прашуваат и која е „црвената линија“ што ја премина Бугарија.

Тој дури смета дека РСМ навистина не сака членство во ЕУ, но тоа не може да го каже владејачката партија.

„Бугарските власти се пасивни и ја сфаќаат оваа пасивност, еве такви писма што ги испраќаме, обидувајќи се да ги надоместиме овие негативни последици. Ова писмо ќе биде испратено и до медиумите во РСМ. Дури и ако тамошните власти не ни одговорат, ќе ги известиме нашите евроатлантски партнери за немањето таков одговор“, додаде академикот.

Тој ја коментираше и изјавата на македонскиот вицепремиер Александар Николоски со кој директно ги навреди Бугарите нарекувајќи ги „мизерни и нецивилзирани“.

„Ако ги разгледаме неговите изјави за Бугарија во последните години на Интернет, ќе видиме дека има континуирана линија на однесување што е антибугарско и градација на антибугарски изјави. Пред посетата на претседателот на РСМ, тој пак даде сличен тип на изјава, бугарската преодна влада ја нарече „маргинална“ и дека не треба да има разговори. Кога ги внесоа Ромите во Уставот, со која земја разговараа?“, рече проф. Спас Ташев.

Според него, Бугарија никогаш не поставила услови Бугарите да бидат вклучени во Уставот. Прашањето беше покренато за прв пат во 1992 година.

„Ова беше барање што го покренаа самите граѓани на Република Северна Македонија, тие што имаат бугарска самосвест. Тие ги искажаа своите барања до неколку бугарски влади. Тогаш Бугарија се увери дека нивните барања се целосно оправдани и одлучи да ги поддржи овие граѓани на Република Северна Македонија. Првиот човек што го покрена ова прашање во 1992 година, неговото дете беше убиено, а убиен е и таткото на тој што го направи интервјуто“, додаде бугарскиот академик Ташев.