Бугарскиот претседател Румен Радев во својата денешно обраќање на 27-та конференција на државите од Рамковната конвенција на ОН за климатски промени најави дека Бугарија изразила подготвеност да биде домаќин на КOP29.

Во својот говор, Радев посочи дека актуелниот форум КOP27 се одржува во драматично време, обележано со влошена безбедносна средина и засилени геополитички предизвици предизвикани од војната во Украина, тешките енергетски, економски и социјални кризи.

„Не треба да дозволиме сите овие кризи да ја поткопаат нашата заедничка решителност да се бориме против климатските промени, особено со оглед на многуте неодамнешни климатски катастрофи без преседан…Климатските промени се глобална закана и може да се решат само преку глобален одговор”.

Претседателот нагласува дека Бугарија е цврсто посветена на целите на Парискиот договор. „Мојата земја заедно со другите земји-членки на ЕУ ќе ја постигне целта за климатска неутралност до 2050 година”, рече шефот на бугарската државата.

Радев посочува дека емисиите на стакленички гасови во Бугарија во 2020 година се намалени за 57 отсто во однос на базната година, јави БТА.