Во Истражниот центар при Основното јавно обвинителство во моментов работат пет истражители, а според претседателот на Основното јавно обвинителство – Скопје, Гаврил Бубевски имаат потреба за уште тројца истражители кои треба да бидат регрутирани.

Истражниот центар при Основното јавно обвинителство – Скопје е прилично екипиран и минатата година имавме околу 150 предмети кои што работат во него, вели Бубевски.

Потенцира дека треба да изберат кандидати што одговараат на работата, бидејќи е специфична.

Ќе отвориме веројатно некаков оглас за тоа и ќе ги избереме, додаде тој.

Одговарајќи на новинарски прашања, по денешната посета на американската амбасадорка Анџела Агелер на Истражниот центар, каде Амбасадата на САД донираше компјутерска и техничка опрема, Бубевски рече дека нема да кажува специфики на конкретната донација, со оглед дека тоа се алатки што помагаат за истражување на кривични дела.

Се работи повеќе за техничка опрема, делумно за форензика која ни помага да екстрахираме одредени податоци, изјави Бубевски.