Ако сакате десерти со јаболка, ова е веројатно наједноставниот колач со јаболка што можете да го направите, а целото гастрономско доживување може да го збогатите со топка сладолед.

Потребни се само неколку минути за да се соединат сите состојки и потоа можете да го ставите во рерна да се пече.

Состојки:

– три јаболка
– три јајца
– 150 г брашно
– половина кесичка прашок за пециво
– 100 г стопен путер
– 50 г шеќер
– две кесички ванилин шеќер
– една кафена лажичка цимет (по избор)
– шеќер во прав

Подготовка:

Во садот со јајцата додадете ванилин шеќер и шеќер и изматете. Во друг сад измешајте ги брашното и прашокот за печиво и постепено додавајте го во смесата со јајцата и шеќерот и продолжете со матење. На крај додадете го растопениот путер и кратко изматете.

Во друг сад излупете ги јаболката и исечете ги на коцки. Намачкајте го калапот со малку путер и додадете ги јаболката. Јаболката можете дополнително да ги посипете со шеќер или цимет. Прелијте ја смесата врз јаболката и измазнете.

Печете го колачот во рерна на 180 степени Целзиусови околу 30 до 45 минути. Пред да го извадите, со чепкалка за заби проверете дали колачот е печен. Готовиот колач посипете го со шеќер во прав.