За божиќните празници, Брзата помош ќе работи цело време, додека еднициата за домашна посета од 7 до 21 часот.

– Известуваме дека Службата за ИМП со домашно лекување и итна стоматолошка помош при ЈЗУ „Здравствен дом на Скопје“ Скопје, во текот на Божиќните празници на шести и седми јануари, ќе работи со следново работно време – Службата за ИМП ќе работи 24 часа, а единицата за домашна посета ќе работи од 7 до 21 часот – информираат од Јавната здравствена установа „Здравствен дом“ Скопје за МИА.

Од Здравствената установа додаваат дека ординациите за здравствена заштита во трета смена, недели и празници, ќе работат континуирано во двата дена и тоа во поликлиниките „Ѓорче Петров“, „Бит Пазар“, „Чаир“, „Шуто Оризари“, „Јане Сандански“, „Ченто“ и „Драчево“.