Додека Дејвид Бекам се плаши дека историјата се повторува и дека Бруклин Бекам нема да „ја подвитка опашката“ и да му се извини на своето семејство, „Сандеј тајмс“ објави статија во која Бруклин се осврна на неговиот однос со својот татко.

Интервјуто беше објавено во недела, но разговорот е воден на почетокот на март, поради што немаше индикации за лоши односи во семејството.

„Тоа е нешто што нè поврза мене и мојот татко. Тој имаше неколку прилично кул автомобили“, изјавил Бруклин , коментирајќи го своето искуство на сесиите на Формула Е во Мајами.

Тој го издвои Јагуар од 1954 година како свој омилен автомобил, кој го вози само кога времето надвор е совршено.

Иако во интервјуто ја истакна заедничката страст што ја дели со својот татко, разговорите за кул автомобили идруги заеднички интереси не ги воделе од почетокот на мај, откако тој и Никола Пелц ја пропуштија забавата по повод 50-тиот роденден на Дејвид.