Македонскиот натпреварувач Костадин Галевски успеа да се закити со бронзен медал на меѓународниот турнир во таеквондо, Албанија Опен Е1 во Тирана.

Во рамките од првото коло нашиот таеквондист и член на таеквондо клубот Феникс Кик успеа да триумфираше над Јоанис Заркадис од Грција со резултат 2:0 во рунди.

Галевски во полуфиналната борба претрпе пораз против Елитас Ван Кетс од Белгија со 2:1 во рунди.

Ова е продолжение на успесите на македонското таеквондо на меѓународната сцена, минатиот месец во женска конкуренција Мила Рељиќ освои бронза на турнирот во Полска, додека Мери Ацевска беше прогласена за најдобар судија.

А исто така во септември Андреј Василевски дојде до златен медал на Г1 турнирот во Швајцарија, додека Ведрана Тунески на истиот турнир освои сребро.