Голманот на Атлетико Мадрид, Јан Облак, продолжува да испишува историја во шпанскиот фудбал и да го гради својот статус како еден од најдобрите сите времиња во Ла Лига.

Словенечкиот чувар на мрежата во ремито на Атлетико против Алавес на гости успеа по 173. пат да ја сочува својата мрежа недопрена во првенството, со што го надмина легендарниот Икер Касиљас, кој кариерата ја заврши со 172 „чисти мрежи“.

На вечната листа пред Облак се уште се наоѓаат само двајца голмани – рекордерот Андони Зубизарета со 232 натпревари без примен гол и Пако Бујо со 212. Но, ако се земе предвид ефикасноста, односно процентот на натпревари без примени голови, Облак е недостижен.

Со неверојатни 48% во Ла Лига, Облак е убедливо прв на листата. Зад него се Виктор Валдес (44%), Бујо (39%), Зубизарета (37%) и Касиљас (34%).

Ако остане уште неколку сезони во Атлетико, многумина веруваат дека Облак би можел и формално да стане најдобриот голман во историјата на шпанската лига.