Брод управуван од Фронтекс, Европската агенција за гранична и крајбрежна стража, потона во близина на северозападниот брег на Лезбос откако удри во карпа, пренесува грчки Екатимерини.

Бродот на Европската агенција за крајбрежна стража потона откако удрил во гребен во близина на островот Лезбос, изјави неименуван службеник на крајбрежната стража.

На бродот имало пет португалски членови на екипажот и еден грчки офицер за врска. Сите шестмина успеале да се качат на чамец за спасување и биле спасени кратко потоа од брод на грчката крајбрежна стража.

Временските услови во тој момент биле опишани како лоши, пренесува медиумот.

Фронтекс е Европската агенција за гранична и крајбрежна стража, која им помага на земјите од ЕУ и Шенген зоната во управувањето со надворешните граници на Унијата.