Бирото за развој на образованието го испочитува рокот и навреме ги достави наставните програми за 2024-2025 година за седмо одделение, со што нема да доцни и постапката за изработка на нови учебници, кои ќе бидат изработени по новата Концепција за основно образование.

Како што соопштија од Министерството за образование и наука, по вчерашниот состанок со БРО, Педагошката служба ќе објави повици за автори и за избор на рецензенти.

– Се очекува процесот на избор на учебници за седмо одделение, графичко уредување и испорака, целосно да заврши пред следниот септември и учениците на првиот училиштен ден, пред себе да ги имаат сите учебници, велат од МОН.

Оваа учебна година шестоодделенците не ги добија навреме учебниците, бидејќи БРО наставните програми ги достави во март годинава и поради тоа, учебниците беа доставени до училиштата кон крајот на октомври.

До сите училишта во Скопје се доставени учебници, Шаќири апелира да не се доцни со наставните програми за следната учебна година