Претседателката на српското собрание, Ана Брнабиќ, денеска во Ерусалим се сретна со израелскиот претседател Исак Херцог, во рамки на нејзината официјална посета на Израел.

Таа претходно имаше средби и со министерот за надворешни работи Гидеон Сар, претседателот на Кнесетот Амир Охан и со парламентарната група за пријателство Израел–Србија.

Брнабиќ, како што јавуваат српските медиуми, на средбата изјавила дека соработката меѓу двете земји е во подем, особено во економската сфера, каде што 2024 година била рекордна по обемот на трговијата, достигнувајќи околу 360 милиони долари.

Таа најавила и идни активности поврзани со Договорот за слободна трговија и заеднички иницијативи во областа на науката и иновациите.