Каматните стапки во Велика Британија ќе бидат намалени на 4,25 проценти, бидејќи Банката на Англија ги намалува трошоците за заемопримачи додека се анализира влијанието на американските тарифи врз економијата, објави ДПА.

Повеќето економисти очекуваат каматните стапки да бидат намалени за 0,25 процентни поени, пишува БТА. Сандра Хорсфилд, економистка во Инвестек, рече дека е „скоро сигурно“ дека трошоците за позајмување ќе бидат дополнително намалени, при што повеќето учесници на финансиските пазари очекуваат пад.

Инфлацијата опадна во последните месеци, што веројатно укажува дека каматните стапки, кои се користат како алатка за контролата врз неа, може да продолжат да опаѓаат.

Според најновите официјални податоци, цените во Велика Британија се намалија на 2,6 проценти во март од 2,8 проценти во  февруари, пишува „24Часа.бг“.