Британската полиција објави дека е целосно подготвена за сите можни ситуации и сценарија пред државната посета на претседателот на Соединетите Американски Држави, Доналд Трамп, која ќе се одржи оваа недела.

„Многу сум задоволен што испланиравме многу сеопфатен план за полициската и безбедносната операција, кој ги зема предвид речиси сите можни сценарија што би можеле да се случат“, изјави помошникот на главниот комесар Кришјан Бант од британската полиција.

Бант рече дека ќе бидат присутни значајни, многу видливи полициски сили, но одби да го прецизира бројот на распоредени полицајци.

Тој, исто така, објави дека воздушниот простор над замокот Виндзор ќе биде затворен, а специјализираните полицајци ќе бидат подготвени да се справат со какви било протести што би можеле да се случат.

Британскиот крал Чарлс ќе го пречека Трамп во замокот Виндзор утре, пред американскиот претседател да ја продолжи својата посета во четврток на имотот на британскиот премиер Кир Стармер.