Повеќе од една милијарда фунти, што е еквивалентно на 1,25 милијарди долари, ќе се слеат во британската економија благодарение на крунисувањето на Чарлс.

Тоа го велат организаторите на скапата церемонија на крунисување на монархот, која беше жестоко критикувана од економистите како удар за британската економија. Меѓу проценките за влијанието врз британската економија е и онаа на консултантската куќа Пантеон Maкроекономикс, која прогнозира пад на британскиот БДП од 0,2 отсто во мај во споредба со април поради два дополнителни банкарски одмори поради крунисувањето.

Другите економски аналитичари се дефинитивно попесимисти, прогнозирајќи пад на БДП од 0,7 отсто во мај и благ пад на британската економија во вториот квартал, како резултат на сето ова трошење и помалку работни денови. Тоа е проценката на Ден Хансон, економист во Блумберг Економикс, кој исто така предвидува сличен пад на БДП за јуни.

Џејмс Смит, економист во ИНЏ, рече дека благиот пад ќе доведе до пад на бруто домашниот производ на Велика Британија во вториот квартал. Санџај Раџа, економист во Дојче банк од Британија, прогнозираше пад на БДП од 0,5 отсто во мај, што ќе доведе до благ пад севкупно за вториот квартал, објави Катимерини.

„Некои индустрии како хотелите и забавата ќе остварат профит, но други ќе страдаат поради дополнителните слободни денови што го придружуваат целиот ритуал на крунисувањето“. Финансиските аналитичари велат дека крунисувањето на Чарлс ќе биде вторпат во една година протоколот на кралското домаќинство да му наштети на растот на Британија. Церемонијата на крунисувањето беше критикувана од многумина како прескапа во време кога Британија се соочува со вртоглави животни трошоци и висока инфлација, при што многу британски домаќинства не можат да си го дозволат тоа.