Британската министерка за внатрешни работи Ивет Купер денес ја објави намерата на владата да ја прогласи активистичката група „Палестинска акција“ за терористичка организација, по нападот врз воена база на Кралските воздухопловни сили минатата недела.

Купер рече дека „срамниот напад врз базата Брајз Нортон е најновиот во низата неприфатливи акти на криминално уништување“ што ѝ се припишуваат на Палестинската акција.

🚨 BREAKING: Home Secretary Yvette Cooper has announced she is proscribing Palestine Action as a terrorist organisation

“A draft proscription order will be laid in Parliament on Monday 30 June. If passed, it will make it illegal to be a member of, or invite support for,… pic.twitter.com/3kaMYIhRxV

— Politics UK (@PolitlcsUK) June 23, 2025

Таа рече дека на 30 јуни, до парламентот ќе биде доставен мандат за прогласување на организацијата за терористичка организација. Доколку биде одобрено, учеството во или јавната поддршка за Палестинската акција ќе стане нелегално.

Одлуката на владата беше остро критикувана од Саид Тази Фаруки, член на групата, опишувајќи ја како „целосно апсурдна“ и „невидена“. Во разговор за Скај њуз, тој зборуваше за „импулсивна реакција од страна на владата“ бидејќи групата „успеала да ја засрами и да истакне сериозни слабости во безбедноста на базата на РАФ“.

Државниот секретар за одбрана, Лук Полард, изјави дека е започната целосна истрага за безбедноста на сите воени инсталации на Обединетото Кралство, додека владата соработува со службата за борба против тероризмот за да ги идентификува сторителите кои ја нападнале базата во Оксфордшир.

Демонстрации во поддршка на Палестинската акција со учество на приближно 500 луѓе се одржаа во понеделник во Лондон.

ВИДЕО | Пропалестински активисти упаднале во воената база во Британија и вандализирале два авиони