Врската помеѓу Бред Пит (60) и неговата 29 години помлада девојка Инес де Рамон (31) е во криза, пренесуваат странските медиуми. Наводно 61-годишниот холивудски актер е загрижен за иднината на нивната врска додека тој е во Нов Зеланд.

„Бред се бори да ја одржи љубовта во живот“, изјавил извор за „Дејли мејл“.

„Тој прави се за да ја усреќи Инес. Тоа значи дека ја носи со авион во Нов Зеланд на посета и ја опсипува со специјални изненадувања и подароци. Тој е навистина заљубен во неа и сака да ја одржи врската“.

Иако далечината  го принудува 61-годишниот холивудски актер да „направи се што може“ за да ја „одржи љубовта во живот“ со Инес де Рамон, сепак далечината го „плаши“.

Имено, Пит го снима својот најнов филм во Нов Зеланд додека Инес која е директорката во златарница, престојува во нивниот дом во Лос Анџелес, а временската разлика од 20 часа изгледа си го зема својот данок.

Двојката, која ја објави својата врска во ноември 2022 година, а оваа пролет ќе ја прослават својата тригодишнина.

„Тие се многу заљубени и среќни што се во здрава врска. Бред сака да биде со жена која не е актерка затоа што нема конкуренција, тие имаат свои кариери и воопшто нема љубомора“, изјавил изворот.

Навистина, врската со неславна личност означи голема промена за Пит, кој претходно беше во врска со холивудските актерки Џенифер Анистон, Гвинет Палтроу и неговата последна сопруга Анџелина Џоли, од која се разведе по десет години во декември.

Ниту Пит не е првото познато момче на Рамона. Таа претходно беше во брак со ѕвездата од „Вампирски дневници“, Пол Весли, но се разделија по пет години брак во ноември.

Овој период додека Пит е на снимање, е најдолгиот кој тие го поминале разделени откако се преселиле заедно во неговата палата во Лос Анџелес минатата година.

Актерот купи луксузна вила од 8,3 милиони долари во ексклузивното предградие Лос Фелиз во 2023 година.

Историјата на нивната врска

Бред и Инес се запознаа преку заеднички пријатели, а првпат беа видени заедно на концерт на Боно од „Ју ту“ во ноември 2022 година. После тоа, тие ја поминаа новогодишната ноќ во Мексико, а нивната врска стана посериозна кога Инес се пресели кај Бред во Лос Анџелес во февруари 2024 година.

Парот го помина летото во Шато Миравал, француска винарија што актерот некогаш ја делеше со поранешната сопруга Анџелина Џоли. Во август 2024 година, парот официјално ја потврди својата врска појавувајќи се заедно на црвениот килим на 81. Меѓународен филмски фестивал во Венеција.

И покрај наводните проблеми, извор близок на парот претходно изјави за „Пипл“ дека тие се „исклучително среќни во нивната врска и заеднички живот“, и дека Инес му дава голема поддршка на Бред за време на снимањето на неговиот нов филм, кој треба да излезе летово.