Поранешниот напаѓач на Работнички и Шкупи, Серхио Антонио де Луиз Сержињо беше претставен како големо засилување во легендарниот бразилски прволигаш, Васко Де Гама.

Пред шест години Сержињо одигра една сезона во Работнички, а потоа се пресели на Чаир каде што беше најдобар играч во тимот, веројатно и во целата сезона таа година во ПМФЛ. По добрите настапи за Шкупи се пресели во турскиот првенство, меѓутоа настапуваше и за клубови од Косово и Албанија.

„Добив животна можност да заиграм за еден од најдобрите бразилски клубови. Имав и други понуди, но кога пристигна оваа, не размислував за ништо друго. Верувам дека ќе можам да се наметнам“, изјави Сержињо.

За Шкупи собра 57 ннастапи во кои постигна 14 гола и подели 12 асистенции. Васко Де Гама е голем клуб кој во својата историја има 24 титули во бразилскиот шампионат, но последната ја освои во 2016 година.