Командантот на бразилската армија, на морнарицата и на военото воздухопловство поднесоа оставка во знак на протест поради обидот на претседателот Жаир Болсонаро да влијае врз воените кругови.

Првпат во историјата на Бразил, тројца најважни армиски офицери заедно поднесуваат оставка поради несогласување со претседателот на државата.

Болсонаро пред два дена изврши реконструкција на Владата по оставките на министерот за надворешни работи и одбрана.

Рејтингот на Болсонаро е значително намален поради неговиот одговор на пандемијата со ковид-19.

Во Бразил од последици од ковид-19 починаа околу 314.000 луѓе, а инфицирани се над 12,5 милиони.