Тој беше извонреден човек, вистински добар дечко, не сакам да биде дека нешто преувеличувам, но навистина е така, изјави братот на покојниот Драган В. чуварот кој настрада во масакрот во Белград, за Телеграф.рс.

Тој вели дека Драган бил разведен и немал деца, но ги штител децата во училиштето.

„Немаше деца, разведен беше, но го даде животот штитејќи други деца“, вели тој.

Голема трагедија се случи во средата наутро, кога 13-годишниот Коста Кецмановиќ, ученик во седмо одделение, уби осуммина ученици од ова училиште и обезбедувачот, а рани шестмина ученици и наставничката по историја.

Таткото на детето изјавил дека не е виновен, иако тој го научил синот да пука од пиштол и го носел да вежба стрелање. На угледниот лекар-радиолог судот му одреди притвор од 30 дена. Тој воедно се товари дека несоодветно го чувал оружјето.

Синоќа во околината на Младеновац кај Белград се случи и втор масакр во 48 часа – 21-годишно момче застрела и уби девет луѓе во неколку села, а рани уште седуммина.