По поразот од Алкалоид во дербито од ракометната Суперлига, Бранислав Ангеловски поднесе оставка од функцијата тренер на Еурофарм Пелистер.

Ангеловски заминува поради слабите резултати на тимот во првенството, но и во Лигата на шампионите каде што битолскиот клуб освои само еден бод во првите осум кола.

Навивачите во претходниот период веќе подолго време бараа промена на клупата, а засега не е познато кој ќе биде наследникот на Ангеловски.