Лионел Меси после истекот на важечкиот договор не е член на Барселона, а доколку не ја продолжи сорботката, најбогатиот фудбалер на каталонскиот клуб ќе биде верувале или не – Мартин Брајтвајт.

Иако данскиот репрезентативец заработува далеку помалку од бројните првотимци, надвор од теренот направи големо богатство.

Имено, тој е сопственик на компанија за недвижнини во Соединетите Американски Држави (САД) заедно со неговиот вујко, која во моментов се проценува на 250 милиони долари.

Тој започна да инвестира во недвижнини во 2017 година. Првата инвестиција беше 850.000 долари. Минатата година, неговата инвестиција порасна на 10 милиони долари, а уште 60 милиони долари се во разни проекти во развој.

Тоа не е сè, тој е сопственик на брендот за облека „Тренте“ со неговата сопруга, кој постигна огромен успех во Франција, како и еден ресторан „Гаве“ во Барселона.

Одлично му оди во бизнисот, а во исто време успеа да направи и повеќе од успешна кариера. На почетокот на минатата година тој го оствари својот сон преселувајќи се во Барселона (платен 18 милиони евра), а летово со данската репрезентација се најде на чекор од пласман во големото финале на Европското првенство.