По десет години брак и три деца со глумицата Меган Фокс, Брајан Остин Грин не ја отфрла можноста да се смири со својата бивша сопруга, иако таа го остави поради раперот Машин Ган Кели.

Брајан и Меган се сè уште официјално во брак, се разделија во мај годинава, кога глумицата почнаа да ја поврзуваат со десет години помладиот рапер, во чиј спот глумеше токму во тој период.

Во „лајв“ на Инстаграм Брајан наведе дека „никогаш нема да каже никогаш“ кога се работи за смирување со Меган.

„Низ многу ситуации поминавме и делиме многу заеднички нешта. Во некој момент мислам дека нашите патишта ќе се спојат и дека сè ќе се регулира, па ќе одиме по паралелни патишта. Битно е родителите да се грижат за себе. Ѝ посакувам сѐ најдобро, а и себеси си го посакувам тоа“, рече Брајан.