Лидерот на единствената партија на Македонците во Албанија, Македонска алијанса за европска интеграција (МАЕИ), Васил Стерјовски денеска беше во седиштето на Митрополијата во Корча од страна на корчанскиот митрополит Јован.

– Во Корчанската митрополија бев на традиционалниот прием по повод големиот христијански празник Раѓањето Христово – Божик, кој се слави според Грегоријанскиот календар. На корчанскиот митрополит Јован му го честитав празникот и му посакав добро здравје, радост, среќа, благосостојба и хармонија, информираше Стерјовски.

Од негово и од име на партијата и Македонците, Стерјовски упати честитка и до верниците кои го слават празникот според Грегоријанскиот календар, посакувајќи им среќен и благословен Божик.