Борусија Дортмунд им порача на сите заинтересирани екипи за англискиот репрезентативец да не се надеваат на никаков попуст поради пандемијата на коронавирусот.

Според „Билд“ Борусија им порачала на екипите дека нема да седне на преговори доколку на маса нема понуда тешка 130 милиони евра.

Иако Санчо се покажа како фудбалер со кого не е лесно да се соработува, челниците на „милионерите“ сметаат дека тој е важен дел од тимот и не се подготвени да се одлободат од него толку чесно.

Манчестер јунајтед се споменуваше како еден од клубовите кои се најзаинтересирани за младиот англиски репрезентативец, но откако Борусија ја одреди цената од 130 милиони евра, прашање е дали можат да си го дозволат Санчо бидејјќи пандемијата на коронавирусот ја намали платежната моќ на екипите.

– Џејдон не е само посебен играч кој се истакнува на теренот, туку и надвор од теренот. Понекогаш не е лесно да се соработува со него, но тој е фантастичен играч – изјави Михаел Цорк, спортскиот директор на Борусија Дортмунд.