Високиот претставник на ЕУ за надворешна политика и безбедност, Жозеп Борел, денеска ја поздрави како „многу добра вест за Украинците“ одлуката на САД да ја овласти Украина да користи ракети со долг дострел за напади во Русија и рече дека се надева дека сите земји членки на ЕУ ќе ја следат одлуката.

„Во Европа тоа е национална надлежност. Некои земји членки тоа веќе го прават отворено, други го прават тоа без да кажат ништо, а некои не кажаа ништо вчера. Но, сигурен сум дека ќе го следат примерот на САД да им дозволат на Украинците да користат оружје за да се борат против Русите на руска територија. Затоа што се напаѓани од руска територија. И тоа е целосно во согласност со меѓународното право. Денес ќе разговараме за тоа. Се надевам дека сите земји членки ќе ја следат одлуката на САД“, изјави Борел.

Тој додаде дека САД донеле важна одлука „која секако ја поздравувам“.

„По долги дискусии, американскиот претседател Бајден одобри употреба на оружје со долг дострел до 300 километри на руска територија. Ова е многу добра вест за Украинците. Тие тоа го побараа“, рекол Борел, пренесува Танјуг.