Шефот на дипломатијата на ЕУ, Жосеп Борел, во Брисел изјави дека е подготвен да закаже средба меѓу Белград и Приштина на највисоко ниво „доколку преговарачите постигнат напредок кон практично решение за регистарските таблички пред крајниот рок 21 ноември“. Тој вели дека овој рок не смее да се дочека без договор „или ќе бидеме на работ на многу опасна ситуација“.

Жозеп Борел најави дека „главните преговарачи уште вечерва во Бирсел започнуваат да работаат на следните чекори.

Косовската страна доаѓа вечерва. Подготвен сум да закажам лидерска средба доколку преговарачите постигнат напредок кон практично решение за регистарските таблички пред крајниот рок 21 ноември“, изјави Борел за новинарите по состанокот на министрите за надворешни работи на ЕУ во Брисел.

На средбата, меѓу другото, Борел ги информирал шефовите на европската дипломатија за разговорите со Александар Вучиќ и Албин Курти.

Тој оцени дека ова е „најсериозната криза од 2013 година“ и побара од партиите да се ангажираат за да се смират тензиите.

Односите меѓу Србија и Косово денеска беа во фокусот на дискусијата посветена на можностите во Западен Балкан, на средбата на министрите за надворешни работи на земјите членки на ЕУ.

Борел потврди дека доставил нов предлог до Србија и Косово за решавање на кризата.