Ирскиот музичар Боно Вокс, чие вистинско име е Пол Дејвид Хјусон, за првпат проговори за смртта на неговата мајка. Во неговите мемоари „Surrender: 40 Songs, One Story“, тој откри дека тој и неговиот постар брат Норман имаат многу малку сеќавања од нивната мајка Ајрис и дека се обиделе да ја избегнат болката што ја чувствувале поради загубата. Таа починала во септември 1974 година. Само неколку дена откако доживеала мозочен удар на погребот на нејзиниот татко.

„Се плашам дека беше полошо од тоа и дека ретко се сеќававме на неа. Бевме тројца Ирци и ја избегнувавме болката што знаевме дека ќе ја почувствуваме ако разговараме и размислуваме за неа“, призна Боно кој имал само 14 години кога ја изгубил мајка си.

 

View this post on Instagram

 

A post shared by U2 Band (@u2.fanatic)

Тој го опиша и инцидентот од погребот на неговиот дедо кога го видел татко си како ја носи Ајрис во раце низ толпата.

„Брзаше да ја однесе во болница. Се срушила покрај гробот додека нејзиниот татко го спуштале во земја“, се присети тој.

Три дена подоцна, тој и неговиот брат отишле во болница за да се поздрават со неа. Оттогаш, нивниот живот бил обележан со меланхолија, мистерија и мелодрама.

Инаку, Боно во средината на јуни откри дека има полубрат, за кој со децении не знаел дека постои. За него дознал во 2000 година. Тој на водителката на емисијата „Desert Island Discs“ ѝ рекол дека неговата мајка Ајрис не знаела дека нејзиниот сопруг има дете со друга жена.

„Тоа е многу блиско семејство и сфатив дека татко ми има длабоко пријателство со оваа убава жена… А потоа добиле дете. И сето тоа се чувало во тајност“, изјави Боно на „BBC Radio 4“.

Откако дознал, Боно разговарал со својот татко Боб пред неговата смрт во 2001 година. „Го прашав дали ја сакаше мајка ми и ми рече ‘да’“, се присети Боно.