Нафтоводот Кањо Лимон-Ковенјас, во североисточна Колумбија, беше цел на бомбашки напад од непознати напаѓачи, објави компанијата за управување „Ценит“, подружница на државната нафтена компанија „Екопетрол“.

Нападот врз 780-километарскиот нафтовод се случи вчера, во недела, што резултираше со прекин на транспортот од наоѓалиштата на брегот на земјата, во Карибите, каде што се извезува нафта.

Не се пријавени жртви.

Бомбардирањето доведе до активирање на план за вонредни состојби за справување со протекувања и загадување на животната средина, рече администраторот на Ценит, кој, сепак, не ја припиша одговорноста на ниедна организација.

Нападот бил извршен во претежно рурална област во Саравена, во департманот Араука, според Ценит.

Според војската, во областа дејствуваат и Националната ослободителна армија (ЕЛН) и дисиденти од поранешната герилска организација Револуционерни вооружени сили на Колумбија (ФАРК), кои го отфрлаат мировниот договор од 2016 година.

Нафтоводот, со капацитет од 210.000 барели дневно, се наоѓа по должината на границата со Венецуела и често е цел на напади, од кои некои предизвикале пожари и загадување на реките и потоците, според операторот.