Поранешниот претседател на Бразил, Жаир Болсонаро, е осуден на 27 години и три месеци затвор, јавија светските медиуми. Врховниот суд на Бразил го прогласи Болсонаро за виновен за заговор за државен удар заедно со претставници од вооружените сили и неговите поддржувачи против владата на левичарскиот претседател Луиз Инасио Лула да Силва, кој го победи на изборите во 2022 година.

Четворица од петтемина судии во Врховниот федерален суд на Бразил гласаа за осудата. Одбраната на Болсонаро ги осуди „апсурдно прекумерните и непропорционални казни“ и рече дека ќе ги употреби сите законски средства, вклучително и на меѓународно ниво.

Синот на Болсонаро, Едуардо, ги нарече судиите „корумпирани“ и рече дека „војната“ сè уште не е завршена.

Според обвинителите, Болсонаро планирал да прогласи вонредна состојба и да распише нови избори, но успеал да ја добие поддршката од военото раководство.

70-годишниот Болсонаро е првиот поранешен бразилски претседател осуден за обид за државен удар по напуштањето на функцијата. Бидејќи понатамошни правни чекори се уште се можни пред Врховниот суд, затворската казна нема да биде извршена веднаш. Адвокатите на Болсонаро можат да оспорат формални двосмислености во пресудата, но ова веројатно нема да доведе до значителни промени во нејзината содржина.