Модуларната болница во Охрид е целосно исполнета со ковид пациенти. Директорот доктор Горан Балевски за „Слободен печат“ вели дека состојбата на пациентите кои се хоспитализирани е стандардно тешка.

-Најмладиот пациент има 37 години, најстариот 80 години. Доаѓаат во тешкка состојба со температура, хипоксични и со тешки симптоми. Веќе немаме место, па почнавме да ги препраќаме пациентите на интерно одделение, рече доктор Балевски.

Вкупниот број на хоспитализирани пациенти во охридската болница кои се позитивни или суспектни на коронавирусот е 63 пациенти. Од нив 36 се во модуларната болница, со што нејзиниот капацитет е целосно исполнет.