„Боксинг деј“ во Премиер лигата: Зошто Англичаните повеќе од 120 години играат фудбал на овој ден?
Неодамна заврши Светското првенство во Катар, а први во клупскиот фудбал се враќаат Англичаните кои денес традиционално играат фудбал на познатиот „Боксинг деј“.
Препорачано
-
1
-
2
-
3
Играњето фудбал на овој ден започнува од самите почетоци на фудбалот каков што денес го познаваме. Шефилд и Халам одиграа натпревар во 1860 година. Потоа во првата сезона од старата Фудбал Лига (1888/1889) Престон на 26 декември го совлада Дерби со 5:0 и така на тој датум започна да се игра фудбал.
Постојат неколку теории според кои „Боксинг деј“ го добил името, но најинтересна е онаа со господарите и слугите. „Christmas Box“ e англиското име за Божиќен подарок. Богатите Англичани кои во своите домови имале слуги и помошници, на 26 декември ги добиле своите подароци, а поради тоа денот бил наречен „Боксинг деј“.
Втората теорија е дека на Божиќ во црквите се собирале пари, а еден ден подоцна (на Боксинг деј) истите се отварале.
Но, како и да е веќе повеќе од 120 години од тој 26 декември во Обединетото кралство се игра фудбал, Премиер лигата, пониските лиги, аматерските лиги – сите играат.
НАТПРЕВАРИТЕ КОИ СЕ ИГРААТ ДЕНЕС:
Брентфорд – Тотенхем
Кристал Палас – Фулам
Евертон – Вулвс
Лестер – Њукасл
Саутемптон – Брајтон
Астон Вила – Ливерпул
Арсенал – Вест Хем
