Мене не ме интересира ни жена ни маж. Мене Боки ме интересира, вели Орце Камчев во една од новите аудио снимки кои во судница денеска ги презентира ОЈО во случајот “Рекет”.

Во остатокот од разговорот помеѓу Бојан Јовановски, Орце и Ана Камчеви и Зоран Милески, Боки 13 им соопштува дека Катица Јанева требало да се оперира кај Жан Митрев, а последно, што наводно тој ја убедил, е да оди во болницата “8 Септември”.

– Боки, не познавам никој од таму – вели Јанева во телефонскиот разговор со Боки и Камчев.

Во голем дел од аудио разговорот соговорниците ги разгледуваат опциите за тоа кој на кого да му биде бранител во случајот Империја, но и кој се да учествува и каде да се изврши оперативниот зафат врз Јанева.