Директорот на Националната агенција за европски образовни програми и мобилност, Петар Богојески, донел нова процедура за постапката за избор на надворешни експерти/евалватори за оценување на предлог-проекти и/или периодични и конечни извештаи од одобрени проекти, како и за апликации во рамките на програмите Еразмус+ (2021–2027) и Европски солидарен корпус (2021–2027), соопшти Агенцијата.

„Во таа насока, ќе следува целосна реевалуација на постојните евалуатори, согласно највисоките професионални стандарди и етички норми. Потоа, ќе биде објавен нов јавен повик за избор на професионални и департизирани евалуатори, експерти од различни области, кои со својата стручност и интегритет ќе придонесат кон натамошно зајакнување на кредибилитетот на Агенцијата“, пишува во соопштението.

„Со оваа постапка, Националната агенција испраќа јасна порака дека борбата против корупцијата е приоритет и дека се стреми да биде пример за интегритет и професионализам, не само во нашата земја, туку и во земјите членки на Европската унија“, додаваат од Националната агенција.

Владата да го повлече именувањето на Богојески за директор, бара Мрежата за заштита од дискриминација