Богатството на руските милијардери се зголеми за 22,6 милијарди долари од почетокот на годината, според индексот на милијардери на Блумберг. Според овие податоци, богатството на еден од главните сопственици на компанијата Норилск Никел, Владимир Потанин, се зголеми најмногу, за 3,82 милијарди американски долари, што достигна бројка од 31,7 милијарди американски долари, така што тој го задржа првото место на ранг-листата на најбогатите Руси, објавува Capital.ba. Индексот се пресметува врз основа на цените на акциите на компаниите во кои милијардерите поседуваат акции. Индексот на милијардери на „Блумберг“ ги вклучува 500-те најбогати луѓе во светот, а моментално вклучува 22 руски државјани со вкупно богатство од 317,7 милијарди долари на 2 јуни.

Светот никогаш немал повеќе милијардери од сега

На второ место меѓу најбогатите Руси е ко-сопственикот на „Лукоил“, Вагит Алекперов, кој го зголемил своето богатство за 561 милион американски долари од почетокот на оваа година, на 25,9 милијарди американски долари.

Трет е сопственикот на компанијата НЛМК, Владимир Лисин, чие богатство се намали за 1,62 милијарди американски долари, на 24,2 милијарди американски долари.

На десеттото место на листата на најбогати Руси е основачот на платформата „Телеграм“, Павел Дуров, чие богатство се зголеми за 2,03 милијарди американски долари од почетокот на годината, на 13 милијарди американски долари.

„Форбс“ ја објави листата на градови во кои живеат најголемите милијардери 2025 година