Дизајнерката и една од најбогатите луѓе во светот Мери-Кејт Олсен (33) сака итно да се разведе од сопругот, кој е полубрат на поранешниот француски претседател Никола Саркози, но тоа ѝ е отежнато поради коронавирусот, па со итен судски налог сака да го забрза разводот.

Поранешната актерка, најпозната по улогата во „Full House“ (Полна куќа), вели дека нејзините адвокати добиле мејл од адвокатот на нејзиниот сопруг, францускиот банкар Оливие Саркози (50) во кој ѝ дале рок до 18 мај да ги исели своите работи од нивниот изнајмен дом во Њујорк.

Таа тврди дека Саркози сака да ја избрка, бидејќи тој го прекинал закупот на станот без нејзино знаење. Мери-Кејт вели дека од сопругот побарала рок до 30 мај и тврди дека тој не ѝ одговорил на тоа.

Во судските документи Мери-Кејт вели дека не може да го исполни крајниот рок поради упатствата за карантин. Дизајнерката исто така тврди дека единствениот начин на кој таа може да го заштити својот имот е со поднесување барање за развод. Тоа би активирало автоматска судска наредба што би спречила Саркози да располага со нејзиниот имот. 

Мери-Кејт потпишала барање за развод уште на 17 април, но била известена дека судовите во Њујорк во моментов не примаат вакви случаи поради пандемијата на коронавирусот.

Парот немаат деца заедно – Оливие има две деца од првиот брак, кога по 17 години поминати заедно, во 2011 година се разведе сопругата Шарлот Бернард.

Оливие и Мери-Кејт се венчаа во 2015 година на интимна церемонија на Менхетен. Во врска беа од 2012 година.