Нашето министерство достигнува ново ниво на високи капитални вложувања, минатата година. Капиталните вложувања на целата Влада беа 710 милиони евра, рече Благоја Бочварски, министер за транспорт и врски во интервју за „Слободен печат“.

„Во однос на делот на економијата, сметам дека министерството за транспорт и врски во целиот изминат период претставува главна алка и мотор на економијата во државата, во делот на развојот на инфраструктурата, капиталните вложувања, и од година на година се покажува дека нашето министерство достигнува ново ниво на високи капитални вложувања, вклучително со минатата година кога капиталните вложувања на целата влада беа 710 милиони евра. Ова е силен прогрес во насока на инфраструктурата и тоа најголем дел се наменети за изградба на патишта, инфраструктура, гасоводи, социјални станбени згради. Железнички пруги коишто со години наназад се говорат, но денес тие и реално се градат. Имаме голем отворен фронт за работа во изминатите неколку години и сметам дека ова е начинот на кој треба да се гради и развива државата“ изјави Бочварски.

Во однос на прашањето зошто некои велат дека ништо не е изградено, тој одговори дека тоа спаѓа во доменот на политиката, поточно тоа е дискурс на опозицијата.

„Прво, треба да знаеме дека големите работи, не се градат од денес за утре, но она што реално се гледа и е изградено, а некој не сака да го види е изградбата и пуштање во употреба на два експресни патишта во една иста година, Штип-Радовиш и Штип-Кочани. Во источниот регион не е изграден пат од 19 век. Имавме секојдневно страшни сообраќајни незгоди, жртви, и многу црни точки. Само ќе напомнам дека од Штип до Радовиш имаше една месност Пилав Тепе каде што немаше зима без сообраќајни незгоди“, потенцираше Бочварски.

Од Куманово до Страцин е рехабилитиран патот како и експресниот пат од Ранковце до Крива Паланка годинава ќе биде завршен и пуштен во употреба. Подмоље-Струга-Ќафасан е исто така рехабилитиран до граничниот премин со Албанија. Во фаза на рехабилитација е и автопатот Скопје-Тетово, автопатот Неготино – Демиркапија, Катланово-Петровец треба деновиве да биде завршен, потсетува Бочварски.

Целото интервју погледнете го во продолжение: