Македонскиот моторциклист Христијан Бузалковски оствари две победи во домашниот шампионат и две втори места во рамките од БМУ Европскиот шампионат изминатиот викенд на патеката во Бугарија.

– Навистина тешка трка за мене затоа што два дена пред да одиме се разболев имав температура и стомачен вирус што навистина многу ме исцрпи! Сепак успеавме да извозиме одлично, да направиме добар сетап на електрониката и да оствариме добар резултат – вели Бузалковски.

Сега на ред е трката од ФИМ Европскиот шампионат во Словачка која ќе се вози следниот викенд.

Нашиот моторциклист и во Словачка повторно ќе се потруди да го даде максимумот за што е можно подобар резултат.

– Огромна благодарност до моите спонзори, семејството и сите вие што нè поддржувате на секаков можен начин – стои во објавата на Бузалковски.