Речиси 37.000 мигранти пристигнале илегално во Велика Британија со преминување на Ла Манш со мали чамци во 2024 година, што е зголемување за четвртина во однос на претходната година, покажуваат податоците на британската влада објавени денеска.

Вкупно 36.816 илегални мигранти успеале да го поминат опасниот премин во изминатата година, 25 отсто повеќе отколку во 2023 година, но помалку од рекордот постигнат во 2022 година, кога поминале 45.000.

Поради големиот број пристигнувања во Велика Британија преку Ла Манш , ова прашање стана едно од главните за претходните конзервативни влади, како и за Лабуристичката партија која дојде на власт летово.