Администрацијата има намера да направи најмногу од сите претхoдно во историјата на САД да ја запре климатската криза, изјави денеска државниот секретар Ентони Блинкен. 

Во своето воведно излагање на глоблниот самит за климатски промени кој се оддржува денеска онлајн, а свикан од претседателот Џо Бајден, Блинкен ги повика земјите на обединувања за спас на планетата. Денеска се одбележува и Денот на планетата Земја.

-Секоја од нашите земји веќе го има искусено влијанието на климатските промени кои стануваат сѐ полоши: почести и интензивни бури, подолги периоди на суша, поголеми поплави, повеќе раселени луѓе, повеќе загадување, повисоки трошоци за здравство. Климатските промени поттикнуваат ширење на болести, несигурно снабдување со храна, масовни миграции и конфликт, изјави Блинкен. 

Соопшти дека САД, во духот на напорите на останатите земји, ќе ги мобилизираат своите ресурси, знаењето и техничката експертиза на институциите, приватниот сектор, граѓанското општество и развојните програми во универзитетите. 

-Секоја земја овде треба да знае – сакаме да работиме со вас да ја спасиме оваа планета, и сите сме заложени на изнаоѓање на секаква можна авенија за соработка околу климата. Ако работиме заедно, можеме да постигнеме повеќе од само обраќање за оваа криза, истакна Блинкен.  

Додаде дека тоа може да премине во можност за подобрување на општествата и правење добро за сите луѓе во светот. 

-Без разлика од која замја доаѓаме, знаеме дека овој свет сакаме да го зачуваме за нашите деца и внуци. Не постои подобра и поитна кауза за да не обедини, порача тој.