Граѓани од Битола вечерва протестираа пред општинската зграда изразувајќи го својот револт против изградба на регионална депонија во близина на постоечката, нестандардна депонија Мегленци.

Тие бараат надлежните да најдат друга локација, затоа што не веруваат дека институциите имаат капацитет да ја одржуваат по европски стандарди, пренесе „Телма“.

Ова е втор протест во Битола против изградба на современ центар за управување со отпад. Советот на Општина Битола, претходно, донесе заклучок со кој бара од Владата, во чија надлежност е овој проект, промена на локацијата за изградба на регионалната депонија.

Покрај до Владата овој заклучок е доставен и до петтемина битолски пратеници.