Домашните инвеститори на Бизнис форумот Копаоник рекоа дека најголема пречка во нивниот бизнис е администрацијата, која во некои случаи ги закочува нивните проекти и по неколку години. Претставниците на трите најголеми српски компании МК Груп, Делта Холдинг и Нелт Груп на овогодинешниот форум во Копаоник презентираа голем број проблеми со кои се соочуваат како домашни бизнисмени.

Една од клучните пораки од овогодинешниот Копаоник бизнис форум е дека сегашниот модел на раст на БДП, кој се базира на јавни инвестиции и странски директни инвестиции, повеќе не е одржлив. Понатамошниот раст, како што рекоа економските експерти на форумот, треба да се заснова на домашни или странски инвестиции во технолошките сектори, а не во традиционалните како што беше досега.

Домашните инвеститори, како што беше речено, се многу поотпорни на кризи. Исто така, домашен бизнисмен ретко го повлекува својот капитал, како што е случајот со странскиот, туку го вложува во натамошното проширување на бизнисот.

„Жал ни е што не можевме да придонесеме на српскиот пазар во уште поголема мера со уште поголеми инвестиции во наредните години за кои бевме подготвени, за кои бевме зрели и ми се чини дека имавме капацитет да го направиме тоа. Причините главно лежат во администрацијата и нетранспарентноста“, истакнаа дел од бизнисмените, објави Данас.