Билчик: Формирањето на Заедницата на српските општини е апсолутен приоритет кој мора да се реализира
Известителот на Европскиот парламент за Србија, Владимир Билчик, денеска изјави дека формирањето на Заедницата на српските општини е апсолутен приоритет кој мора да се реализира, пренесоа српските медиуми негова изјава дадена за Танјуг
Препорачано
„ЗСО е важен од перспектива на ЕУ и она што е важно е тоа што може да се види во изјавите на европските политичари“, вели Билчик во интервјуто.
Тој додаде дека Србија има уште многу да направи и верува дека напредокот и поддршката за Србија во поширока смисла би биле полесни доколку се занимава со „своите прашања“.
Билчиик посочи дека Белград имал конструктивна улога во дијалогот и дека е постигнато многу, но …истовремено изрази надеж дека дијалогот ќе продолжи.
„Друго прашање што треба да се реши се настаните во Бањска. Ова во моментов не е во фокусот, но ова прашање постојано ќе излегува на површина. Од тој настан Србија изгуби дел од својот кредибилитет во очите на своите европски партнери. да се врати преку конструктивно учество во дијалогот, со затворање на случајот во Бањска“, рече Билчик.
Владимир Билчик нагласи дека сега е историска можност за проширување на Европската унија и оти верува дека следното проширување ќе биде кон Западен Балкан.
