БиХ никогаш нема да биде унитарна држава
Драган Човиќ, претседателот на Хрватскиот народен сабор и на ХДЗ во БиХ изразува очекувања дека ќе дојде до промена на Изборниот законик за да се заштитат правата на Хрватите во босанско-херцеговската федерација
Претседателот на Хрватското национално собрание на БиХ и тамошната ХДЗ, Драган Човиќ, минатата недела изјави дека БиХ никогаш нема да биде унитарна, со доминација на повеќе народи и го повтори своето очекување Изборниот закон да биде изменет за да ги заштити правата на Хрватите.
Препорачано
„Босна и Херцеговина никогаш нема да биде унитарна држава. Нема да биде ниту граѓанска држава, на начин на кој некој мисли и сака да го спроведе тој концепт преку доминација над другите“, оцени Човиќ на Петтиот конгрес на Здружението на хрватската заедница Херцег-Босна во Мостар.
Според него, во БиХ правата на граѓаните се остваруваат со можност за избор на претставници преку општинските и градските совети и парламентарните куќи и собраните на окрузите, додека Претседателството на БиХ и горните, национално замислени домови на народите постојат за да ги заштитат правата на конститутивните народи.
„Околу ова нема преговори“, истакна Човиќ.
Претседателот на ХНС БиХ изрази очекување дека во текот на оваа, неизборна година, Изборниот закон ќе се смени за да можат Хрватите да ги избираат своите претставници во домовите на народот и Претседателството на БиХ.
„Никој не може и нема да ни го порекне легитимното застапување и нашите права како конститутивен народ во нашата татковина“, додаде тој.
Според толкувањето на Човиќ, пресудите на Европскиот суд за човекови права, како и на Уставниот суд на БиХ, кои се однесуваат на гласачките права во државата, можат да се спроведат преку формирање на две изборни единици во Федерацијата БиХ. Тој потсети дека рокот за промена на Изборниот закон, утврден со потпишувањето на договорот во Мостар минатата година, во присуство на водечки западни дипломати, заедно со претседателот на водечката бошњачка СДА, Бакир Изетбеговиќ, истекува на 17 јуни.
Сепак, досега не е направен напредок во овие преговори и има мал оптимизам во Меѓуресорската работна група за измени и дополнувања на Изборниот закон. На два одржани состаноци во рамките на ова тело, нема напредок за постигнување договор како да се донесат одлуки за реформа на изборните правила.
Преземено од „Ослобоѓење“ од Сараево
