Австралијката Џоди Ален шокираше многу корисници на Фејсбук откако сподели фотографии од нејзиниот кауч. Како што таа нагласува проблемот во повеќето домаќинства е токму овој мебел, бидејќи ретко кој редовно го чисти, пишува „Дејли мејл“.

Оваа жена раскажал дека откако ги оставила синовите кај баба им, одлучила длабински да ја исчисти куќата, а кога ги подигнала перничињата на каучот се изненадила од глетката.

Под нив биле насобрани остатоци од храна, ѓубре, разни детски играчки и многу други нечистотии. Таа го изразила својот шок во описот на фотографиите.

Откако ги сподели фотографиите на социјалната мрежа, Џоди откри дека во никој случај не е сама. Многу други родители го направиле истото во своите домови и наиле на истиот проблем.

„Оваа објава ме израдува затоа што сега гледам дека моето домаќинство е сосема нормално“, е еден од многуте коментари под објавата на оваа мајка.

Експертите за чистење споделија и други работи кои често се забораваат да се исчистат во домаќинството, а тие вклучуваат: рачки на вратите, прекинувачи за светла и тушеви, за кои многумина сметаат дека „само се чистат“.